chat

მონაწილეობის წესი

ტენდერში მონაწილეობის წესები

ტენდერში მონაწილეობის პირობები

ტენდერში მონაწილეობის მიღება შეუძლია როგორც რეზიდენტ, ასევე არარეზიდენტ პირს. ელექტრონულ ტენდერში მონაწილეობის მიღება შეუძლიათ შემდეგი სტატუსების მქონე პირებს:შეზღუდულიპასუხისმგებლობის საზოგადოება (შპს),სააქციო საზოგადოება (სს),ინდივიდუალური მეწარმე, ფიზიკური პირი, და სხვა

ტენდერებში მონაწილეობის მისაღებად აუცილებელია მიმწოდებელი დარეგისტრირდეს ელექტრონული ტენდერების ვებ–გვერდზეhttp://tenders.bog.ge/. რეგისტრაცია ხდება ვებ–გვერდზე არსებულირეგისტრაციისღილაკით. სავალდებულოა მიმწოდებელმა შეავსოს ყველა აუცილებელი ველი:

1. მიმწოდებლის ტიპი (ჩამონათვალი)

2. სახელი და გვარი/დასახელება (აუცილებელი ველი)

3. პირადი ნომერი/საიდენტიფიკაციო კოდი (აუცილებელი ველი)

4. ქვეყანა (აუცილებელი ველი)

5. ქალაქი (აუცილებელი ველი)

6. მისამართი (აუცილებელი ველი)

7. ტელეფონი (აუცილებელი ველი)

8. ფაქსი

9. ელ-ფოსტა (აუცილებელი ველი)

10. მომხმარებლის სახელი (username)(აუცილებელი ველი)

11. პაროლი (უნდა შედგებოდეს 6 სიმბოლოსგან)(აუცილებელი ველი)

12. პაროლი ხელმეორედ (აუცილებელი ველი)

13. ვეთანხმები მონაწილეობის წესებს - მოსანიშნი

შემდეგ მოდის ღილაკი „შემდეგი“, ღილაკი აქტიურდება მხოლოდ იმ შემთხვევაში, თუ მომწოდებელი დაეთანხმება მონაწილეობის წესებს. ღილაკზე დაჭერით მომწოდებელი გადადის ახალ გვერდზე, რომელიც შედგება 3 ჩანართისგან

1.მთავარი: სადაც ჩამოთვლილი იქნება რეგისტრაციის დროს შევსებული ველები და ღილაკები: დამახსოვრება, გაუქმება. დამახსოვრებაზე დაჭერისას დაფიქსირდება ცვლილება, გაუქმებაზე დაჭერით გაუქმდება შეტანილი ცვლილება.

2.საკონტაქტო პირები: ფორმაში არის ღილაკები დამატება, რედაქტირება, წაშლა.

დამატებაზე დაჭერისას იუზერს უნდა შეეძლოს ახალი კონტაქტის შეყვანა, ველები: სახელი, გვარი, ტელეფონის ნომერი, ელ-ფოსტა, შეყვანის შემდეგ იქვე ვაჭერთ დამახსოვრებას. საკონტქტო პირის რედაქტირება/წაშლა უნდა ხდებოდეს ღილაკებით რედაქტირება, წაშლა.

დოკუმენტაცია :აქ მიმწოდებელს უნდა ჰქონდეს საშუალება ატვირთოს დოკუმენტაცია. დოკუმენტაციის ატვირთა -აუცილებელი მოთხოვნაა.

მომწოდებელმა უნდა ატვირთოს შემდეგი დოკუმენტაცია PDF ან Word–ის ფორმატში:

– საჯარო რეესტრიდან სამეწარმეო ამონაწერი

– კომპანიის სერთიფიკატები (ასეთის არსებობის შემთხვევაში)

– კომპანიის მოღვაწეობის შესახებ ინფორმაცია (საქმიანობის მოკლე აღწერილობა, დაარსების თარიღი, რეკომენდაციები, ა.შ.)

“რეგისტრაცია“ ღილაკზე დაჭერისას იგზავნება ლინკი მომწოდებლის მიერ მითითებულ მეილზე, რომლის საშუალებითაც ხდება საფოსტო მისამართის არსებობის დადგენა. ლინკზე შესვლით მომწოდებელი ადასურებს, რომ მის მიერ მითითებული მეილი ვალიდურია და ამის შემდგე ითვლება მომწოდებელი დარეგისტრირებულად.

იმ შემთხვევაში , თუ მომწოდებელს დაავიწყდა პაროლი, მას შეუძლია მიმართოს პაროლის აღდგენაზე მეილით მისამართზეtenders@bog.geან დარეკოს კონტაქტში მითითებულ ნომრებზე. ამის შემედგ მომწოდებელს ეგზავნება სასტარტო პაროლი. საიტზე ავტორიზაციისას კი, უსაფრთხოების მიზნით სისტემა მოსთხოვს პაროლის შეცვლას.

ელტენდერის გამოცხადების პროცედურები:

ყოველი კონკრეტული ტენდერი მოიცავს შესაბამის RFP -ს, (ატვირთულია საიტზე) რომელშიც დეტალურად არის აღწერილი ყველა ის მოთხოვნა და ინფორმაცია, რომელზედაც ცხადდება ტენდერი. სს „საქართველოს ბანკის“ მიერ წარმოდგენილი ტენდერის დეტალური აღწერა (Request For Proposals) განკუთვნილია მომწოდებლებისათვის რათა გააცნოს მათ დეტალური მოთხოვნა და მისცეს საშუალება წარმოადგინონ შესაბამისი შეთავაზებები.

ტენდერში მონაწილეობა

- სს საქართველოს ბანკი ყველა გამოცხადებულ ტენდერს განათავსებს ელექტრონული ტენდერების საიტზეhttp://tenders.bog.ge/;

- სატენდერო განცხადება მოიცავს შემდეგ პუნქტებს:

oშემსყიდველი– ყოველთვის არის სს „საქართველოს ბანკი“

oტენდერის კატეგორია– იცვლება გამოცხადებული ტენდერის შესაბამისად

oპუნქტების რაოდენობა– აღნიშნავს ტენდერის დეტალური აღწერის მიხედვით კონკრეტულად შესასყიდი საქონლის/მომსახურების პუნქტების რაოდენობას, რომელიც იცვლება კონკრეტული ტენდერის შესაბამისად, მაგ. საკანცელარიო საქონლის შემთხვევაში პუნქტი #1 შესაძლოა იყოს კალამი, პუნქტი #2 – ქაღალდი და ა.შ.

oშესასყიდი საქონლის/მომსახურების დასახელება

oტენდერის გამოცხადების თარიღი– არის ის თარიღი როდესაც სს „საქართველოს ბანკი“ ოფიციალურად ათავსებს ტენდერის განცხადებას ელექტრონული ტენდერების ვებ გვერდზე.

oწინადადების მიღება იწყება– არის დრო, საიდანაც შესაძლებელი ხდება მომწოდებლებისთვის შეთავაზების განთავსება ვებ გვერდზე.

oწინადადების მიღება მთავრდება– დრო, როდესაც წინადადებების მიღება სრულდება.

oფასის მინიმალური კლების ბიჯი– შესაძლოა კონკრეტული ტენდერის ფარგლებში მითითებული იყოს თანხის ის მინიმალური რაოდენობა, რომლითაც მომწოდებელი ვალდებულია შეამციროს შეთავაზების ჯამური ფასი წინა შეთავაზებასთან შედარებით.

oშესასყიდი საქონლის დეტალური აღწერა– მიბმული იქნება ფაილის სახით.

oშეთავაზებების მაქსიმალური რაოდენობა– შესაძლოა კონკრეტული ტენდერის ფარგლებში თითო მომწოდებლისგან მისაღები შეთავაზების რაოდენობა შეზღუდული იყოს გარკვეული რაოდენობით, მაგ. თუ ეს რაოდენობა არის 3, მომწოდებელი ვერ შეძლებს 3-ზე მეტი შეთავაზების განთავსებას.

oთანხის დამალვის პერიოდი– ტენდერის დასრულებამდე წინასწარ განსაზღვრული პერიოდით ადრე შეთავაზებები ანონიმური ხდება მომწოდებლისთვისსტატუსი– მიუთითებს ტენდერის მიმდინარეობის სტატუსს.

o შეთავაზებების მიღების სქემა /შეზღუდული - ნიშნავს, რომ მომწოდებელი ვალდებულია განათავსოს წინა შეთავაზებაზე ნაკლები ფასი, რომელიც შეიძლება განსაზღვრული იყოს ფასის მინიმალური კლების ბიჯით. იმ შემთხვევაში თუ კლების ბიჯი არის 0 (ნული) ლარი, მომწოდებელს შეუძლია ნებისმიერი ოდენობით შეამციროს ფასი წინა შეთავაზებასთან შედარებით, ხოლო, იმ შემთხვევაში თუ კლების ბიჯი არის მაგ. 10 (ათი) ლარი, შეთავაზების განთავსების შემთხვევაში მომწოდებელი ვალდებულია წინა (ჯამურ) შეთავაზებასთან შედარებით 10 ლარით შეამციროს ფასი.

o შეთავაზებების მიღების სქემა /თავისუფალი - ნიშნავს, რომ მომწოდებელს შეუძლია ნებისმიერი ფასის დადება, რაც განსაზღვრული არ იქნება წინა შეთავაზების მიხედვით. ამ სქემის მიხედვით, მომწოდებელი არ არის ვალდებული განათავსოს წინა შეთავაზებაზე ნაკლები ფასი.

- ნებისმიერ მომხმარებელს, განყოფილებაში „მიმდინარე ტენდერები“, შეუძლია დაათვალიეროს ტენდერები, მაგრამ არა შემოთავაზებები, ხოლო ავტორიზებული მომხარებელი შეძლებს დაათვალიეროს ყველა გამოცხადებული ტენდერი, იხილოს კონკურენტთა მიერ შეთავაზებული ფასები ტენდერის დასრულებამდე წინასწარ განსაზღვრული პერიოდით ადრე და სურვილის შემთხვევაში მიიღოს მონაწილეობა. მონაწილეობის მისაღებად ავტორიზებულმა მომწოდებელმა უნდა აირჩიოს სასურველი ტენდერი

- გაეცნოს ტენდერის პირობებსა და მისაწოდებელი საქონლისა თუ მომსახურების სპეციფიკაციას, თანდართული დოკუმენტაციის ჩამოტვირთვის საშუალებით

- ინფორმაციის გაცნობის შემდეგ გადავიდეს განყოფილებაში „შეთავაზებები“

- დააფიქსიროს ფასები თითოეული პუნქტის მიხედვით. გამოცხადებული ტენდერის ფარგლებში შესაძლოა მოითხოვებოდეს ფასებზე მინიმალური კლების ბიჯი, რაც იმას ნიშნავს, რომ თუ მინიმალური კლების ბიჯი განსაზღვრულია X ლარით/დოლარით/ევროთი, მაშინ შემოთავაზების დადების შემთხვევაში შემოთავაზებული ჯამური ფასი უნდა იყოს წინა შეთავაზებაზე X ლარით/დოლარით/ევროთი ნაკლები.

- ატვირთოს ტენდერის პირობებით მოთხოვნილი დამატებიტი დოკუმენტაცია

- სს. საქართველოს ბანკი გამოავლენს გამარჯვებულს და უკავშირდება მხოლოდ მას.

ტენდერის განთავსება, დრო და ვადები

ტენდერი განთავსდება სს „საქართველოს ბანკის“ ელექტრონული ტენდერების ვებ გვერდზე, სადაც მოხდება ფასების შეთავაზება, შესაბამისი საბუთების ელექტრონულად ატვირთვა და გამარჯვებულის გამოვლენა.

მომწოდებელს შეუძლია შეთავაზების ელექტრონულად განთავსება უშუალოდ გამოცხადებული ვადების განმავლობაში. ტენდერის დასრულების შემდეგ მომხმარებელი ვერ შეძლებს შეთავაზების გაკეთებას.

განთავსებულ შეთავაზებაში რაიმე შეცდომის შესახებ მომწოდებელმა ტენდერის მიმდინარეობის ვადებში (ტენდერის გამოცხადებიდან წინადადებების მიღების დრომდე) წერილობით უნდა აცნობოს ტენდერის ინიციატორებს „კონტაქტი“-ს მეშვეობით.

სს „საქართველოს ბანკი“ უფლებას იტოვებს გაახანგრძლივოს ტენდერის ვადა ამ ინფორმაციის წინასწარი განთავსების შემთხვევაში.

სატენდერო დოკუმენტაცია

მომწოდებელი ვალდებულია ტენდერის მიმდინარეობის პროცესში შეთავაზებასთან ერთად ატვირთოს RFP-ით მოთხოვნილი დოკუმენტაცია PDF ან Word–ის ფორმატში (დოკუმენტაციის ენა სავალდებულოა იყოს ქართული). ასატვირთი საბუთები შესაძლოა იყოს:

· დამფუძნებლების თანხმობა ტენდერში მონაწილეობის მიღებაზე.

· პროდუქტის ნიმუშების ამსახველი სურათები JPG ან PDF ფორმატში

· რეკომენდაციები

· სხვა შესაბამისი დოკუმენტაცია

აუცილებელია, რომ მომწოდებელმა შეთავაზებასთან ერთად მხოლოდ ერთხელ და მხოლოდ ერთ ფაილში (PDF ფორმატში) ატვირთოს აღნიშნული საბუთები.

სატენდერო მოსახურების/საქონლის მიწოდება

ტენდერში გამარჯვებული კომპანია ვალდებულია სს „საქართველოს ბანკს“ მიაწოდოს შესაბამისი მომსახურება/საქონელი ტენდერის დეტალური აღწერისა (RFP) და ხელშეკრულების პირობების მიხედვით.

იმ შემთხვევაში თუ ტენდერში გამარჯვებული კომპანია არ ან ვერ შეასრულებს ტენდერის დეტალური აღწერითა (RFP) და ხელშეკრულებით გათვალისწინებულ პირობებს დაეკისრება ხელშეკრულებით გათვალისწინებული სანქციები.

მოლაპარაკებები

სს „საქართველოს ბანკი“ იტოვებს უფლებას აწარმოოს მოლაპარაკებები ტენდერში მონაწილე კომპანიებთან და ხმის მიცემის საფუძველზე გამოავლინოს გამარჯვებული კომპანია ფასისა და ხარისხის გათვალისწინებით.

კონკრეტულ ტენდერთან დაკავშირებით შეიძლება არსებობდეს დამატებითი პირობები რაც შეტანილი იქნება ტენდერის დეტალურ აღწერაში (RFP).

კონფიდენციალურობა:

ტენდერში მონაწილე კომპანიები რეგისტრაციასთან ერთად იღებენ ვალდებულებას რომ დაიცვან აღნიშნული ინფორმაციის კონფიდენციალურობა. აღნიშნული ინფორმაცია ხელმისაწვდომი უნდა იყოს მხოლოდ ტენდერში მონაწილე კომპანიის თანამშრომლებისათვის, კონსულტანტებისთვის ან იმ პირებისთვის ვინც უშუალოდ ჩართულია ტენდერთან დაკავშირებულ საქმიანობაში. კონფიდენციალურობის დარღვევის შემთხვევაში ბანკი იტოვებს უფლებას გააუქმოს შემსყიდველ კომპანიასთან დადებული ხელშეკრულება.

ცვლილებების შესახებ

სს „საქართველოს ბანკი“ იტოვებს უფლებას დაასრულოს/გააუქმოს გამოცხადებული ტენდერი ამ ცვლილების შესახებ დროულად ინფორმაციის განთავსების შემთხვევაში. ინფორმაცია ტენდერის დასრულების/გაუქმების შესახებ უნდა განთავსდეს ელექტრონული ტენდერების ვებ გვერდზე ტენდერის გამოცხადებიდან წინადადებების მიღებამდე პერიოდში.

საკონტაქტო ინფორმაცია კითხვების შემთხვევაში

ტენდერთან დაკავშირებული ნებისმიერი კითხვის შემთხვევაში მომწოდებელმა უნდა მიმართოს შესაბამის პირებს ტენდერების ელექტრონული ვებ გვერდის მეშვეობით „კონტაქტი“-ს პანელიდან.

შეკითხვის ავტორი ვალდებულია დაიცვას კითხვა-პასუხით მიღებული ინფორმაციის კონფიდენციალურობა თუ მომწოდებელი არ გამოაქვეყნებს აღნიშნულ კითხვა–პასუხს ვებ გვერდზე.

კონკრეტული ტენდერის შემთხვევაში ტენდერში მონაწილეობის დროს მიმწოდებელს შეუძლია კითხვა–პასუხის რეჟიმში მიიღოს სასურველი ინფორმაცია კონკრეტული ტენდერის პანელშიშეკითხვები შემსყიდველს.